Մի փոքր գրքի մասին
Բեյվյուի ավագ դպրոցի հինգ աշակերտների մասին է, որոնք պատահաբար կամ դիտավորյալ պատժվում են ու հայտնվում նույն սենյակում: Խմբի ուղեղը Բրոնուինն է, որը երբեք ոչ մի օրենք չի խախտել: Երազանքը՝ Յեյլ ընդունվելն է: Ադին խմբի գեղեցկուհին է, որը կոտրում է շիկահերների մասին բոլոր կարծրատիպերը: Նեյթը խմբում ու դպրոցում հանցագործի համբավ ունի: Արդեն հասցրել է խախտել օրենք: Խարիզմատիկ Կուպերը մեծ պոտենցիալով մարզիկ է, բեյսբոլի ապագա աստղ: Եվ Սայմոնը, որ բոլորի մասին գիտի ամեն ինչ: Նրա ստեղծած բամբասանքի հավելվածը ահ ու սարսափ է տարածում դպրոցում։ Պատժի սենյակ մտնում են հինգը, ողջ են դուրս գալիս միայն չորսը… սպանություն՝ չորս անհայտով:
Իմ տպավորությունները
Գիրքը ունի մեծ ծավալ, բայց կարդացվում է բավականին հեշտ և արագ։ Զարգացումներն տեղի են ունենում հետաքրքիր ձևերով։ Հեղինակը հետաքրքիր կերպով է ներկայացրել գիրքը և գրքի իմաստը ընթերցողներին։
Գիրքն ուներ երկու կարևոր իմաստ։
Պետք չէ մարդկանց շուտ վստահել, հավատալ, քանի որ մի օր կդառնաս իրենց զոհը։
Մարդկանց մեջ հավասարություն է, բոլորը հավասար են և չի՛ կարելի մարդուն/մարդկանց շահագործել սեփական նպատակների և հաճույքների համար։
Հայկ Աղլամազյան 